You speak English? So do we!

Mir ersetzen eist Logo während dem Mount Juni duerch eng Versioun mat de Faarwe vum LGBT* Reeboufändel. Domat setze mir aktiv en Zeeche an heeschen LGBT*-Leit (lesbesch, schwul, bisexuell, transgender an aner) ënnert eise Membere wëllkomm.

Interview zur Aktioun #PrideMonth
Crumble op Radio ARA (5. Juni 2017)

Fir dës Leit ass et längst nach net selbstverständlech an der Gesellschaft Akzeptanz ze fannen. Vill vun hinnen zerbriechen un Ausgrenzung, der Homo-, Trans- oder Queerphobie oder der Angscht do virdrun. Mir gesinn et als Aufgab vun all Jugendveräin, grad déi jonk Leit z’ënnerstëtzen, déi et schwéier hunn, hier Platz an der Gesellschaft ze fannen.

Mir zielen dobäi op deng Ënnerstëtzung! Maach däi lokale Jugendveräin op dës Aktioun opmierksam. Fro se fir och hiere Logo während dem Pride Month Juni ëmzestellen. Et wier déi éischte Kéier, dass sech Jugendveräiner aktiv ëffentlech fir dëst Thema ausschwätzen.

Fir eis LGBT* Matmënschen

Et bedeit Courage, e neutrale Standpunkt ze verloossen, an sech dem Konflikt géint LGBT* Feindlechkeet ze stellen.

Oft gestallte Froen

Wat ass "LGBT*"?
Hannert dem Begrëff LGBT* versammelen sech all net-heterosexuell oder net-cisgender Leit. Grob geschat fält all zéngten dorënner. Konkret ass et en internationaalt Kierzel, wat fir “lesbian, gay, bisexual, transgender” steet. De Stär (*) ass wichteg, en hëlt all weider Forme vu Sexualitéit a Geschlecht dobäi, déi virdrun net opgezielt goufen.
Okay, LGBT* also. Ech konnt mir deemools schon LMFAO net verhalen...
Dir sidd also e Schwuleclub?
D'Eppelduerfer Jugend ass e Veräin, deen et sech zur Aufgab gemaach huet, eng Gemeinschaft fir all Jugendlecher ze stëften.
Firwat dës Aktioun?
1. LGBT* Mënschen, och déi, déi sech nach net secher sinn oder hiren éischte Coming Out nach virun sech hunn, solle wëssen, dass si bäi de Jugendveräiner wëllkomm sinn.
2. Mir setzen domat e kloert Zeeche géint Homophobie, Transphobie, Biphobie a Queerphobie, souwuel no baussen als och no bannen.
3. Mir bedeelegen eis un der Opklärung an um Schafe vu Visibilitéit, fir d'Situatioun vun LGBT* Mënsche weider ze verbesseren.
Firwat de Mount Juni?
De Mount Juni ass international bekannt als “Pride Month”. E ganze Mount laang gëtt dobäi un d'Vergaangenheet an déi aktuell Situatioun vun den LGBT*s op der ganzer Welt geduecht an opmierksam gemaach.
Nice! Wéi kann ech hëllefen?
Sharing is Caring. Deel dës Aktioun mat denge Leit a maach däi lokale Jugendveräin dorop opmierksam. Et stellt sech als schwéier eraus, d'Veräiner aus dem Land z'erreechen, dofir si mir op deng Hëllef ugewisen.
Dir sidd e Jugendveräin? Integréiert den LGBT* Reeboufändel an äert Logo a looss en eis zoukommen. Wann dir iech net secher sidd wéi, hëllefe mir iech gären dobäi. Duerno gëllt et just, dëse Logo am Juni op Facebook oder op der Websäit auszetauschen an dëst mat der Websäit pride.lu ze verlinken.

Sharing is Caring

Du fënns dat esou cool wéi mir? Mir brauchen deng Hëllef! Behal et net fir dech, deel et, ziel et denge Leit weider! Mir zielen op dech! #PrideMonth